Алматының қала құрылысын бақылау басқармасы Maison ТК құрылысын тоқтатуға талап арыз берді, деп хабарлайды inbusiness.kz.
Басқарма мониторинг жасау барысында осы жер телімі орналасқан Шашкин көшесі, 42/1 мекенжайы бойынша Maison ТК пәтерлерін сату туралы хабарландырулар жарияланғанын анықтаған.
"Аталған жер учаскесінің нысаналы мақсаты жерасты паркингі бар әкімшілік ғимаратты салу және пайдалану. Ал сәулет-жоспарлау жоспары медициналық орталықтың құрылысына алынды. Басқарма меншік иесіне қатысты ҚР ӘҚБтК-нің 316-бабының 1-бөлігі бойынша анықталған бұзушылықтарды жою туралы нұсқама берді, сондай-ақ құрылыс – монтаж жұмыстарын мәжбүрлеп тоқтата тұруға сотқа талап арыз берді", - делінген басқарма таратқан хабарламада.
Қала құрылысын бақылау басқармасы алматылықтарға жылжымайтын мүлік сатып алмас бұрын +7 (727) 229-81-36 жедел желісінің нөмірі бойынша құжаттардың толық пакетінің бар-жоғын тексеруді ұсынады.
