Алматы қалалық төтенше жағдайлар департаментінің дерегінше, жалын 69 минутта оқшауланып, сағат 12:43-те сөндірілді.
"Өрт сөндірушілер жол кептелісіне қарамастан 8 минутта жетті, үлкен қойма қатты жанып жатқан. Олар дереу жалынды сөндіруге кірісіп, газ-түтіннен қорғау қызметі адамдардың бар-жоғына барлау жүргізді. Оқиға болған жерден өтіп бара жатқан адамдар, куәгерлер кедергі келтіріп, Полиция қызметкерлері учаскені қоршады. Жергілікті жедел штаб құрылды", – деп хабарлайды ТЖД.
Жану ошағын анықтауға тепловизорлар тартылған, қойманың бетон конструкцияларының құлап кету қаупі бар.
"Сондықтан өрт сөндірушілер қауіпсіздік техникасын сақтай отырып жұмыс істеуде. Күрделі өрт 1 сағат 9 минут ішінде жалпы ауданы 1,5 мың шаршы метр шарпыған алаңында оқшауланды. Қабылданған жедел іс-шаралардың арқасында өрт іргелес және көршілес контейнерлерге, қоймаларға таралмады", – деп хабарлады ТЖД.
