Алматы полициясы қаланың әуежайында, екі сауда үйінде және университетте тексеру аяқталғанын хабарлады, деп жазды inbusiness.kz.
"Жарылғыш зат қойылғаны туралы ақпарат расталмады", – деп хабарлады қалалық Полиция департаменті.
Алматы әуежайының баспасөз қызметі өз кезегінде тексеру мен эвакуацияға байланысты қаладан ұшатын 6 рейс кейінге шегерілгенін атап өтті. Әуежайдың мәліметінше, жан-жақты тексеру нәтижесінде орнатылған бомба туралы бұрын алынған ақпарат расталмаған. Әуежай қалыпты режимде жұмысын жалғастыруда.
Еске сала кетсек, бұған дейін желіде қаладағы 7 нысанға жарылғыш зат қойылды деген ақпарат тарап, аталған нысандардың келушілері эвокуацияланған еді.
Құралай Құдайберген
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
