Автокөлік Әл-Фараби даңғылында жол-көлік оқиғасына түсіп, дөңгелектері төбеге қарап қалған, деп хабарлайды inbusiness.kz сайты.
Полицияның мәліметінше, шетелдік көлік даңғылмен шығыс бағытта келе жатқан. Жүргізуші Луганский көшесіне бұрылып, тоннельден шығар тұста көлікті басқара алмай қалған. Сол себепті, автокөлік бордюрге соғылып, соққыдан кейін аударылған.
Жол-көлік оқиғасынан зардап шеккендер жоқ. Қазір апаттың нақты себептері анықталып жатыр.
Жаза кетейік, Әл-Фараби даңғылы биыл Алматыдағы бірқатар жол-көлік оқиғасымен байланысты жаңалықтардың бел ортасында болды. Десе де, бұл жолғы оқиғаның бұған дейінгі резонансты апаттармен байланысы жоқ.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
