Көпкомпонентті SE-1 азот диоксиді, көміртек оксиді, күкірт диоксиді және жерге жақын озонның концентрациясын тіркейді, деп жазады inbusiness.kz сайты.
Бұл заттардың барлығын Дүниежүзілік денсаулық сақтау ұйымы зиянды заттар тізіміне кіргізген. SE-1 құрылғысын компания инженерлері шұғыл континенттік климат жағдайлары мен Қазақстан қалаларының ерекшеліктерін ескере отырып әзірлеген.
“SE-1 құрылғысын әзірлеу Sergek-тің қалалық цифрлық инфрақұрылым саласындағы құзыреттілігін арттырудағы қадамы. Экология бағытындағы пилоттық жобалардан бастап, бүгінде толыққанды аппараттық-бағдарламалық шешім жасау деңгейіне жеттік. Бұған көбіне үздік мамандар жұмыс істейтін жеке инженерлік зертханамыздың болуы үлкен септігін тигізді”, – дейді компания өкілдері.
Мамырда Алматыда SE-1 базасындағы 30 жаңа станция іске қосылды.
