Арыс – Монтайтас тас жолы бойындағы Арыс қаласы мұнай базасы аумағының сорғы станциясында 30 м2 алаңда мұнай өнімдерін өрт шалды, деп жазады inbusiness.kz сайты.
Өрт кезінде жапсарлас салынған ғимаратқа және жақын орналасқан 5 резервуарға оттың таралу қаупі туындады.
Түркістан облысы ТЖД сұрауы бойынша өртті жоюға Арыс станциясының өрт сөндіру пойызы тартылды.
"Қызыл жалын дереу ауыздықталды және де 06:38-ге дейін толығымен жойылды. Өртті сөндіруге ТЖД, Өрт сөндіру пойызы және басқа бөлімшелердің қызметкерлерін қосқанда 60 адам қатысты. Өртті жою үшін 10 бірлік техника пайдаланылды", – делінген хабарламада.
Жазатайым оқиғаларға жол берілмеді. Құрбан болғандар мен зардап шеккендер жоқ.
Оқиғаның себебін Түркістан облыстық ТЖД комиссиясы тексереді.
