Солай бола тұра, әлеуметтік желілерде анонимді аккаунттар Қарулы күштерге қатысты кадрларды шынайы оқиғалар ретінде көрсетіп, қайта таратуда, деп хабарлайды inbusiness.kz сайты.
– Дереккөздерді зерделеу барысында бейнежазбаның Қазақстанға қатысы жоқ екендігі анықталды. Ол – "Қырғызфильм" киностудиясының "Баткен" көркем фильмінен алынған үзінді. Қолданушыларды шатастыру мақсатында материал авторлары бейнежазбаға қазақ тілінде дыбысты қоса салған. Бұл аудиторияны шатастырып, жалған ассоциациялар туғызуы мүмкін, – делінген хабарламада.
Орталық мамандары бейнематериалдарға эмоционалды сипаттағы пікірлер мен деструктивті үндеулер қосылып, олардың таралуы пайдаланушыларды жаңылыстырып, әлеуметтік шиеленістің артуына ықпал етуі мүмкін екенін жоққа шығармайды.
Жалған ақпаратқа қарсы іс-қимыл орталығы пайдаланушыларды осындай ақпараттық манипуляциялардың таралу құралына айналмауға шақырып отыр.
– Жалған және көрінеу жалған ақпаратты тарату заңнамада белгіленген жауапкершілікке әкеп соғуы мүмкін екенін еске саламыз. Тексерілмеген ақпаратты таратпаңыз. Фактілерді тексеріп, қоғамдық пікірді манипуляциялауға жол бермеңіз, – деп ескертті олар.
Бұған дейін Маңғыстауда тағы бір әскери қызметші қаза тапты деген ақпарат жалған болып шыққанын жазған едік.
