Түркияның Сыртқы істер министрлігі Ақтау жағалауында Қазақстан Әскери-теңіз күштерінің әскери оқу-жаттығулары кезінде болған қайғылы оқиға салдарынан адамдардың қаза табуына байланысты көңіл айтты, деп хабарлайды inbusiness.kz сайты
Анадолы агенттігіне сілтеме жасап.
Министрлік жазбаша мәлімдеме жасады.
"Біз Қазақстан Әскери-теңіз күштерінің Ақтау жағалауындағы әскери оқу-жаттығулары кезінде адамдардың қаза тапқаны туралы хабарды терең күйзеліспен қабылдадық. Қаза тапқандардың жақындарына және Қазақстан халқына көңіл айтамыз", –делінген хабарламада.
Айта кету керек, бұған дейін Ресей президенті Мемлекет басшысы Қасым-Жомарт Тоқаевқа Каспий теңізіндегі Әскери-теңіз күштерінің оқу-жаттығуы кезінде болған қайғылы жағдайға байланысты көңіл айтқанын жазғанбыз.
Әзербайжанның Сыртқы істер министрлігі Каспийдегі қайғылы оқиғаға байланысты Қазақстанға көңіл айтты.
Нұрсұлтан Назарбаев Маңғыстауда әскери қызметшілердің қаза болуына байланысты көңіл айтты.
