3 қарашаға қараған түні "Алматы" ауданындағы Тәуелсіздік даңғылы бойында орналасқан 16 қабатты тұрғын үйдің бір пәтерінде өрт болды, деп жазады inbusiness.kz сайты.
ҚР Төтенше жағдайлар министрлігінің хабарлауынша, өрт 7-қабатта шыққан. 112 кезекші пультіне хабарлама сағат 23:32-де түскен. Алғашқы өрт сөндірушілер оқиға орнына жеткен кезде ғимаратты қою түтін басқан. Құтқарушылар дереу өртті сөндіруге кірісті.
Өрт толық сөндірілді. Қызыл жалынды ауыздықтауға Астана қаласы Төтенше жағдайлар департаментінің 24 қызметкері мен 7 техникасы жұмылдырылды.
Қазір өрттің шығу себебі анықталып жатыр.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
