Сарайшық аудандық полиция бөлімінің қызметкерлері Қошқарбаев көшесіндегі тұрғын үйлердің бірінің алдынан көк тракторды заңсыз айдап әкеткен ер адамды ұстады, деп жазады inbusiness.kz сайты.
Тергеу барысында анықталғандай, күдікті түнгі уақытта мас күйінде тракторды айдап кетіп, біраз жүрген соң оны қаланың орталық көшелерінің біріне тастап кеткен. Көлік иесі оқиға туралы дереу полицияға хабарлаған.
Жедел іздестіру шараларының нәтижесінде күдікті қолға түсті. Алдын ала мәлімет бойынша, трактор иесіне шамамен 500 мың теңге көлемінде материалдық шығын келген.
Қазір бұл дерек бойынша сотқа дейінгі тергеу амалдары жүргізіліп жатыр.
Полиция департаменті азаматтарды өз мүлкіне ұқыпты қарауға және қауіпсіздік шараларын сақтауға шақырады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
