Елордада қоғамдық көлікте 52 жастағы Абдулла Ташматов насыбай қалдықтарын аяқ астына тастап, айналасындағыларға құрметсіздік танытқан. Сондай-ақ жолаушылардың ескертулеріне құлақ аспаған, деп жазады inbusiness.kz сайты.
Ұсақ бұзақылық жасағаны үшін ер адам әкімшілік жауапкершілікке тартылды. Сот қаулысымен оған 10 тәулікке әкімшілік қамауға алу жазасы тағайындалды.
Полиция қоғамдық тәртіпті сақтау және айналадағы адамдарға құрметпен қарау әрбір азаматтың міндеті екенін еске салады. Белгіленген нормаларды бұзу Қазақстан Республикасының заңнамасына сәйкес жауапкершілікке әкеп соғады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
