Астанада үлескер отбасылардың 90%-ға жуығының порблемасы шешілді

480

Жыл соңына дейін бас шаһарда үлескерлер саны шамамен 16 мыңнан 2 мың отбасыға дейін қысқарады.

Астанада үлескер отбасылардың 90%-ға жуығының порблемасы шешілді

Мәселен 2019 жылдың жазында құрылысы ұзаққа созылған 150 көппәтерлі тұрғын үй болса, бүгінге дейін 120 үйдің мәселесі шешілген, деп жазады inbusiness.kz Elorda.info сайтына сілтеме жасап.

Құрылысы ұзаққа созылған қалған 30 үй бойынша қадамдық іс-шаралар жоспары бар. Онда 2 мыңға жуық отбасы баспанасын күтіп жүр. Мұндай проблемалы үйлердің аяқталуы Мемлекет басшысының тікелей бақылауында.

Айта кетсек, құрылысы ұзаққа созылған үйлердің  проблемалары әртүрлі. Мәселен, бірінде тек шұңқыры ғана қазылған, енді бірінде қаржылық аудит, жобалық-сметалық секілді құжаттамасы жоқ еді, сол сияқты бір пәтерді екі-үш отбасыға сатқан жайттар да болды, тағы бірінде қаңқасы тұрғызылған үй апатты күйде болатын.

Мысалы "Территория комфорта-1" тұрғын үй кешенінің құрылысы 2004 жылы басталған. Үйді техникалық тексеру барысында ғимараттың апатты жағдайда екені белгілі болды. Бұрынғы құрылыс салушы техникалық нормаларға сай келмейтін бетон маркасын қолданған, плиталар арасында сәйкестік болмаған. Құрылысшылардың айтуынша бұл үй пайдалануға берілгенде ұзаққа бармай қирап, тұрғындар үйіндінің астында қалар еді. Осыдан кейін оның блоктары бұзылып, орнына жаңа тұрғын үй кешені салынды, нәтижесінде тұрғындар көптен күткен баспанасына ие болды.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу