Астана қаласының жаңа теміржол вокзалы арқылы жүретін пойыздардың тізбесі бекітілді, деп хабарлайды "Жолаушылар тасымалы" АҚ баспасөз қызметі.
"Жаңа вокзал кешені 54 пойызға қызмет көрсетеді. Оның ішінде 22 "Тұлпар-Тальго" жүрдек пойызы, 16 стандартты және 16 қала маңы пойызы", – деп жазылған хабарламада.
ЭКСПО-2017 халықаралық көрмесі қарсаңында Астанадан мына бағдарларда қосымша пойыздар жүреді:
Астана – Маңғышлақ;
Астана – Атырау;
Астана – Шымкент;
Астана – Қостанай;
Маңғышлақ – Астана;
Тараз (Жамбыл) – Астана;
Орал – Астана;
Қарағанды – Астана.
Қазір Астана қаласының әкімдігімен бірлесіп, қоғамдық көлік бағдарын, сондай-ақ жаңа вокзалға дейінгі экспресс-бағдарларды ұйымдастыру мәселесі пысықталып жатыр.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
