Бұл ақпаратты Ұлттық қауіпсіздік комитеті растады, деп жазады inbusiness.kz сайты.
"Аталған тұлғаға қатысты ҚР Қылмыстық кодексінің 366-бабы ("Пара алу") бойынша сотқа дейінгі тергеп-тексеру амалдары жүргізіліп жатыр. Қылмыстық-процестік кодекстің 201-бабы 1-бөлігіне сәйкес, өзге мәліметтер жария етуге жатпайды", – делінген хабарламада.
Бұған дейін кейбір бұқаралық ақпарат құралдарында шенеуніктің станциядағы кірме жолға иелік ететін жекеменшік компания басшысынан 6 миллион теңге көлемінде пара алып жатқан жерінде ұсталғаны туралы ақпарат тараған болатын.
Сонымен қатар, ол ешқайда кетпеу туралы қолхатпен босатылғаны айтылған. Алайда, бұл мәліметтер расталмаған.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
