Атырау облысының Құрманғазы ауданында "Ауыл құтқарушылары" бағдарламасының еріктілері құрғақ шөптің жануын дер кезінде сөндірді, деп хабарлайды inbusiness.kz сайты.
Оқиға Сүйіндік ауылынан 25 шақырым жердегі Жалғызапан ауылының маңындағы ашық аумақта болған.
Өрт орнына жедел жеткен еріктілердің үйлесімді әрекетінің арқасында жалын толық сөндіріліп, оның одан әрі таралуына жол берілмеді.
Оқиғадан зардап шеккендер жоқ.
Төтенше жағдайлар министрлігі тұрғындарды ыстық әрі желді күндері өрт қауіпсіздігі ережелерін қатаң сақтауға шақырды. Ведомство ашық от жақпауға және құрғақ өсімдіктерді өртемеуге кеңес берді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
