Орталық коммуникациялар қызметінде өткен брифингте Атырау облысының әкімі Махамбет Досмұхамбетов өңірдің жалпы өңірлік өнімі мен жалпы ішкі өніміне тоқталды. Оның сөзінше, республиканың жалпы ішкі өніміндегі аймақтың үлесі 14%-ды құрап отыр.
"Президент Қасым-Жомарт Тоқаев жолдауында еліміздің және өңірдің өркендеуіне қатысты нақты тапсырмалар жүктеді. Біздің басты мақсатымыз – осы міндеттерді табысты жүзеге асыру. Аталған бағыттар бойынша Атырау облысында іргелі жұмыстар жасалып жатыр. Осы жылдың қаңтар-маусымында облыстың жалпы өңірлік өнімі 3 трлн 930 млрд теңгені құрады. Нақты көлем индексі – 102,2%. Ал республиканың жалпы ішкі өнімі көлеміндегі облыстың үлесі – 14%. Жан басына шаққандағы жалпы өңірлік өнім – 6 млн теңгені құрады", – деді облыс басшысы.
Құралай Құдайберген
