"Атырау – Самара" магистральдық мұнай құбыры арқылы мұнай тасымалдау штаттық режимде қайта жанданды, деп жазады inbusiness.kz сайты.
"2026 жылғы 3 қарашадағы жағдай бойынша "Атырау – Самара" магистральдық мұнай құбыры арқылы мұнай тасымалдау штаттық режимде жүзеге асырылып жатыр. Техникалық тексеру жұмыстары аяқталғаннан кейін мұнай айдау қайта қалпына келтірілді" , – делінген министрлік хабарламасында.
Айта кетейік, бүгін, 2 қарашада Ресей аумағындағы Самара өндірістік-диспетчерлік торабының нысандарына дрон шабуылы жасалды. Осыдан кейін "Атырау – Самара" мұнай құбыры арқылы мұнай тасымалдау уақытша тоқтатылды.
Оқиға салдарынан зардап шеккендер жоқ. Атырау – Самара құбыры Қазақстандағы мұнай кен орындарын Ресейдің мұнай тасымалдау жүйесімен байланыстырады. Бұл бағыт арқылы қазақстандық мұнай одан әрі экспортталады. Құбырдың жалпы ұзындығы шамамен 1 380 шақырымды құрайды.
