Оқиға 12 сәуірде Атырау – Құлсары тас жолында болған, деп жазады inbusiness.kz сайты.
Атырау облысында полиция қызметкерлері рөлде келе жатып есінен танып қалған жүк көлігінің жүргізушісіне дер кезінде көмек көрсетті.
Жылдам қимылдайтын арнайы жасақ қызметкерлері Мақат ауданынан қызметтік іссапардан қайтып келе жатып, жол шетіне шығып кеткен Shacman жүк көлігін байқайды.
"Полицейлер бірден тоқтап, жүргізушінің ес-түссіз жатқанын анықтады. Олар жедел түрде алғашқы көмек көрсетіп, бір мезетте жедел жәрдем шақырды. Дәрігерлер келгеннен кейін 43 жастағы Өзбекстан Республикасының азаматы әрі қарай медициналық көмек көрсету үшін мамандарға тапсырылды", – делінген ҚР ІІМ таратқан хабарламада.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
