Жангелдин ауылының тұрғындарын өлтіру дерегі бойынша күдіктіге іздеу жарияланып отыр, деп жазады inbusiness.kz сайты.
Басты күдікті – Атырау облысы, Махамбет ауданының 29 жастағы тұрғыны. Қазіргі уақытта қылмысқа өзге де тұлғалардың қатыстылығы тексерілуде.
– 25 желтоқсанда полицияға аталған отбасының жоғалып кеткені туралы олардың туыстары хабарласқан. Әлеуметтік желі қолданушыларын ақпаратты тек ресми дереккөздерден алуға және жалған не расталмаған мәліметтерді таратудан бас тартуға шақырамыз, – деп мәлімдеді жауапты орган.
Еске салайық, жоғалған отбасыны іздестіру жұмысы 2025 жылдың 25 желтоқсанында басталды.
Бұған дейін атыраулық ерлі-зайыптыны ауыл халқы ақтық сапарға шығарып салғанын жазған болатынбыз.
Одан кейін марқұмның туысы маңызды үндеу жасаған еді.
