Әрі депутат блогер жасаған мәлімдеменің сұмдық жағдай екенін еске салды, деп хабарлайды inbusiness.kz сайты.
Бұған дейін көпшілікті ашық түрде қылмысқа шақырып, ел-жұрттың ашу-ызасын тудырған Райхан Жұмамұратова кешірім сұраған еді.
– Мұндай пікірлерді (блогердің мәлімдемесін айтады) мүлде қолдамаймын. Бұл – сұмдық жағдай. Біз тек балаларды қорғауымыз керек. Олар – ерекше қолдауды қажет ететін жандар. Олар да – Қазақстан азаматтары. Бұл балалар бізден көбірек қамқорлық күтеді, – деді халық қалаулысы.
Депутат Асхат Аймағамбетов мұны арандатушылық іс-әрекет деп ойлайды.
– Егер осындай жағдайлар болса, заң аясында тиісті жауапкершілік қарастырылған. Бұл – өте маңызды. Мұндай сөздер, мүмкін, бір-екі адамның арандатушылық әрекеті шығар, бірақ біз оларға жол бермеуіміз керек. Мәселе тек заңның бар-жоғында емес, оны дұрыс орындауда. Мемлекет басшысы да бұл мәселеге ерекше назар аударып отыр. Біз заңның толық орындалуын қамтамасыз етуіміз керек, – деп нақтылай түсті ол.
