Сондай-ақ жануарлар туралы деректер қадағалаудың ақпараттық жүйесінде болуы тиіс, деп жазады inbusiness.kz сайты.
Батыс Қазақстан облысы "Атамекен" кәсіпкерлер палатасының АӨК және тамақ өнеркәсібі кеңесінің отырысында фермерлерге мал сою және ет сату тәртібі түсіндірілді.
Ветеринариялық бақылау және қадағалау комитетінің Батыс Қазақстан аумақтық инспекциясының басшысы Марат Отаралиевтің айтуынша, мал иелері жануардың туғанына 1,5 жыл ішінде бактериялық, вирустық және паразиттік ауруларға қарсы вакцинация жүргізуі тиіс. Малды одан әрі сату үшін сою мал сою пунктінде жүргізілуі керек.
"Союға карантиндік аурулардан таза аудандардан сау ауыл шаруашылығы жануарлары ғана жіберіледі. Сою алдында жануарды ветеринарлық тексеру қажет. Ауру немесе ауруы бар деген күдікпен жануарларды союға жол берілмейді", – деді Марат Отаралиев.
Бұдан басқа, жануарлар АЖС ақпараттық жүйесінде, "ВетЛаб" және "Төрт-түлік" модулінде тіркелуі тиіс.
"2025 жылғы 3 қарашадан бастап Ветеринариялық бақылау және қадағалау комитеті төрағасының бұйрығымен республиканың барлық аумағында қоғамдық тамақтану және тұтыну объектілерін "Еттің ветеринариялық - санитариялық сараптамасы" модуліне қосу пилоттық жобасы іске қосылды. Бұл сауда үйлері, супер және шағын маркеттер, қасапханалар, білім беру және жабық мекемелер, қоғамдық тамақтандыру объектілері, қайта өңдеу цехтары және т.б. жүргізілетін ветеринариялық мониторинг малдың шаруашылықтан сөреге дейінгі өмірлік циклін бір ақпараттық жүйеде қадағалауды қамтамасыз етуге мүмкіндік береді. Бұл шара сою алдындағы ветеринариялық тексерусіз және союдан кейінгі ветеринариялық-санитариялық сараптамасыз өткізу үшін малды союға жол бермеуге бағытталған", – деп түсіндірді Марат Отаралиев.
Өз кезегінде БҚО Кәсіпкерлер палатасы директорының орынбасары Эльмира Өтешева алғашқы кезеңде бұл пилоттық жобаны іске асыру ақпараттық жүйедегі техникалық іркілістерге байланысты белгілі бір қиындықтармен өтуі мүмкін екенін атап өтті.
"Жаңа талап бруцеллез, сібір жарасы және басқалары сияқты аурулардың алдын алуға бағытталған және жалпы Еуразиялық экономикалық одақтың талаптарына сәйкес келеді", – деп атап өтті БҚО Кәсіпкерлер палатасы директорының орынбасары Эльмира Өтешева.
