Халықаралық ауыр атлетика федерациясы (IWF) Азия чемпионатын Нұр-Сұлтаннан Ташкентке (Өзбекстан) ауыстырғанын мәлімдеді. Бұл туралы ұйымның ресми сайтында 17 ақпан күні ресми ақпарат шықты, деп хабарлайды olympic.kz.
"Коронавирустың өршуіне қатысты Қазақстан Республикасының үкіметі аурудың таралу қаупіне байланысты Қытайдың көрші және көршілес елдерінен жолаушылар қозғалысының барлық түрлерін шектеді. Азия ауыр атлетика федерациясының (AWF) атқарушы кеңесі жағдайды шұғыл түрде талқылап, құрлықтық біріншілік өтетін жерді Қазақстаннан Өзбекстанға ауыстыруға келісті", – делінген мәлімдемеде.
Айта кетерлігі, Азия чемпионаты енді 16-25 сәуір күндері Ташкент қаласында өтеді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
