Байқоңыр ғарыш айлағына Халықаралық ғарыш станциясы (ХҒС-64) 64-ші экспедицияның негізгі және қосалқы экипаждары келді, деп хабарлайды "ҚазАқпарат". Крайний әуежайында экипаждарды "Роскосмос" мемлекеттік корпорациясының, Байқоңыр қаласы әкімшілігінің, ғарыш саласы кәсіпорындарының, Ғарышкерлерді даярлау орталығының өкілдері қарсы алды. Негзгі экипаж мүшелері: "Роскосмос" ғарышкері Сергей Рыжиков, Сергей Кудь-Сверчков және NASA астронавты Кэтлин Рубинс.
Олардың дублерлері: "Роскосмос" астронавтары Олег Новицкий, Петр Дубров және NASA астронавты Марк Ванде Хай. Екі апта бойы негізгі және қосалқы экипаж жаттығулар, сабақтар өтіп, нұсқаулықтар алып, медициналық тексеруден өтуі керек. Бүгін, 28 қыркүйекте космонавтар мен астронавтар "Союз МС-17" кемесінде алғашқы жаттығуды өткізеді. Роскосмостың баспасөз қызметінің хабарлауынша, олар жергілікті жерлерде іс-қимыл механизмін пысықтап, борт құжаттамасымен танысып, борттық жүйелердің бірқатар сынақтарын орындауы керек.
