"COVID-19 инфекциясымен күресте жанқиярлық еңбегі мен кәсіби шеберлігі үшін олар жоғары мемлекеттік наградаларға ие болды. Ақ халатты абзал жандарымыз қауіп-қатерді ұмытып науқастардың өмірі үшін күресті",– деп жазды әкім фейсбуктегі парақшасында.
Сонымен Семейде ІІ дәрежелі "Барыс" орденімен қайтыс болғаннан кейін жоғары санатты дәрігер-кардиохирург, "Семей медицина университеті" КЕАҚ госпиталінің жүрек-қан тамырлары хирургиясы бөлімшесінің меңгерушісі қызметін атқарған Бекжан Серікбосынұлы Бұланов марапатталды. Оның артынан жұбайы, екі қызы және бір жарым жастағы ұлы қалды.
"Құрмет" орденімен қайтыс болғаннан кейін "Семей медицина университеті" КЕАҚ госпиталінің дәрігері Нұргүл Рамазанқызы Бәркібаева марапатталды. Екі қыз тәрбиелеп отырған асыл ана еді.
"Құрмет" орденімен қайтыс болғаннан кейін Семей қаласының №4 емханасының эндокринолог-дәрігері Фарида Қайсенқызы Түсіпбаева марапатталды. Зейнет жасына келсе де, қызметін тастамай, коронавируспен күресте алғы шепте еңбек етті.
"Құрмет" орденімен қайтыс болғаннан кейін Көкпекті аудандық ауруханасының офтальмологы Мұхамедхан Алтынқанұлы Мұсабеков марапатталды. Кадр тапшылығын түсінген маман зейнетке шықса да қиын кезде қолдау көрсетіп, қызметін жалғастырды.
