Қалпына келтіру жоспары қаржы басқарушысымен бірлесіп әзірленеді және сотта бекітіледі. Бұл туралы ҚР Қаржы вице-министрі Ержан Біржанов мәлімдеді, деп жазады inbusiness.kz.
Оның айтуынша, бұл рәсімнің артықшылығы – одан кейін адам "банкрот" мәртебесін алмайды. Сонымен қатар спикер банкроттықтан кейін пайда болатын салдарға тоқталып өтті.
"Сот банкроттығын, және соттан тыс банкроттығын қолданатын азаматтар 5 жыл ішінде банктерден және микроқаржы ұйымдарынан кредиттер ала алмайды (ломбардтардың микрокредиттерін алудан басқа); олар 7 жылдан кейін ғана қайта банкроттыққа жүгіне алады; олардың қаржылық жағдайы банкроттықтан кейін үш жыл бойы тексеріледі. Төлем қабілеттілігін қалпына келтіру кезінде мұндай салдар болмайды", - деді ҚР Қаржы вице-министрі Ержан Біржанов.
