Жолаушы автобусы Орал қаласынан Қаратөбеге бара жатқан. Көлік қозғалыс кезінде өртене бастаған, деп жазады inbusiness.kz сайты.
Оқыс оқиға болған уақытта көлік салонында 37 адам болған. Өрттен ешкім зардап шеккен жоқ. Салондағы адамдардың бәрі автобустан өз бетінше түсіп үлгерген.
Әлеуметтік желілерде таралған видеолардан будақтаған қара түтін мен қып-қызыл отты көруге болады.
"8 тамызда кешке Теректі ауданында, Самара – Шымкент жолында, Шалқар көліне қарай бұрылатын жерде автобус өртеніп жатқаны туралы шұғыл хабар түсті. Салонда 37 жолаушы болған. Олардың бәрі өздігімен шығып үлгерген. Ешкім зардап шеккен жоқ", – деп таратты БҚО облыстық төтенше жағдайлар департаменті.
Өртті сөндіруге 8 адам мен арнайы 2 техника жұмылдырылды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
