Батыс Қазақстан облысында боран салдарынан қойлардың қар астында қалғаны туралы бейнежазба әлеуметтік желілерде тарады, деп жазады inbusiness.kz сайты.
Казталов ауданы әкімдігінің мәліметінше, бораннан кейін қанша малдың шығынға ұшырағаны әзірге белгісіз. Қазіргі уақытта залал көлемі нақты есептеліп жатыр. Қарға көмілген қойлар "Қадырболат" шаруа қожалығына тиесілі, қожалық басшысы – Қуаныш Мұқашев.
Тұрғындардың айтуынша, өңірдің өзге аудандарында да бораннан кейін төрт түлікті түгендеу жұмыстары жүргізіліп жатыр.
Айта кетейік, бұған дейін Батыс Қазақстан облысында боран кезінде жоғалып кеткен үш адамның мәйіті табылғаны хабарланған болатын. Сондай-ақ өңірде тағы бір ер адамның денесі анықталған.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
