Қазақстанда шетелдік туристерден алынатын Bed tax салығы жойылады, деп жазады inbusiness.kz.
"Туристік жарнаға орналастыру орындарында болу құнынан 0 (нөл) пайыз мөлшерінде ставка қолданылады", - делінген "Ашық НҚА" порталында жарияланған бұйрық жобасында.
Бұдан бөлек орналастыру орындарында шетелдік туристер саны өткен жылдың сәйкес кезеңімен салыстырғанда ұлғайған жағдайда, сондай-ақ олардан толық емес күні үшін алынатын туристік жарна туралы тармақтар алынып тасталмақ.
Қолданыстағы бұйрыққа сәйкес, орналастыру орындарындағы туристік жарнаға айлық есептік көрсеткіштің 0,2-ден 0,5-ке дейінгі мөлшерінде белгіленген ставкалар қолданылады.
Құжатты жария талқылау 6 қарашаға дейін жалғасады.
Айта кету керек, шетелдік туристен алынатын Bed tax салығы 2022 жылдың 1 қаңтарынан бастап енгізілген болатын.
