Шараға Алматы облысы әкімінің бірінші орынбасары Қанат Есболатов, Жамбыл Жабаевтың немересі, ақын атындағы әдеби-мемориалдық музейдің директоры Салтанат Жамбылова, қытайлық жазушы әрі аудармашы Акбар Мәжит, Қазақстанның Қытайдағы Елшілігінің дипломаттары қатысты. Сондай-ақ кешке Қытайдың шығармашылық, ғылыми және іскерлік қауымдастықтарының өкілдері жиналды.
Келушілер назарына ақынның өмірі мен шығармашылығына арналған арнайы көрме ұсынылды. Экспозициядан Жамбылдың кітаптары мен фотосуреттері, бейнелеу және сәндік-қолданбалы өнер туындылары, сондай-ақ этнографиялық жәдігерлер орын алды.
Мерекелік бағдарлама "Жамбыл – ғасыр ақыны" концертімен жалғасты. Кеш барысында Сүйінбай атындағы Алматы облыстық филармониясының өнерпаздары өнер көрсетіп, көрерменге музыкалық тарту жасады.
