Бельгия тұрғындарына 16 жасынан бастап Еуропарламент сайлауында дауыс беруге рұқсат етілді, деп хабарлайды inbusiness.kz тілшісі Euronews-ке сілтеме жасап.
Бельгия билігі Еуропалық парламент сайлауына қатысушылардың ең төменгі жасын 16-ға дейін төмендетті. Осылайша, ЕО-дағы Мальта, Германия және Австриядан кейін бұл бастаманы қолдаған төртінші ел деп танылды.
"Жас шегін төмендету арқылы біз нақты сигнал жібереміз. Біз сіздің дауыстарыңызды да, пікірлеріңізді де ескергіміз келеді", - дейді Ішкі істер министрі Аннелиз Верлинден.
Осылайша, 280 000-ға жуық жас бельгиялық келесі жылы Еуропалық деңгейде өз сөзін айтуға мүмкіндік алды. Бірақ сайлаушылар тізіміне автоматты түрде кіретін ересек азаматтардан айырмашылығы, дауыс бергісі келетін кәмелетке толмағандар алдын-ала тіркелуі керек.
