Елімізде соңғы күндері арзандай бастаған бензин бағасы енді тұрақты болады. Әсіресе сұраныстағы АИ-92-нің құны қазіргідей 158-160 теңгенің көлемінде сақталмақ. Бүгін энергетика вице-министрі осындай болжам жасады, деп хабарлайды КТК арнасы.
Айтуынша, бензин мен солярканың жеткілікті қоры жиналып, жанармай нарығы тұрақталыпты. Сондай-ақ вице-министр, Атыраудағы мұнай өңдеу зауытының өртенуіне де жауап берді. Айтуынша, құбырдың жарылуынан шыққан тілсіз жаудың кесірінен зауыт өндірісті екі есеге қысқартқан. Яғни, тәулігіне 14 мың тонна орнына 7 мың шығаруға мәжбүр. Бірақ бұл жанармай тапшылығы мен баға саясатына еш әсер етпейді деп сендіріп отыр. Өйткені, залалды қалпына келтіру үшін бір аптадай ғана уақыт қажет екен.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
