Биткоиннің бағасы 15 мамырдан бері алғаш рет 50 мың доллардан асты, деп хабарлайды Inbusiness.kz.
Ресми дерек бойынша, биткоин құны 2,5%-ға қымбаттап, 50 мың доллардан сәл көтерілді. Бірақ кейінірек криптовалюта бағамы төмендеп, 49,8 мың доллар болды.
Ал 20-дан астам биржаның орташа бағасын есептейтін CoinMarketCap порталының мәліметі бойынша, биткоин бағасы 2,33%-ға өскен.
20 шілдеде биткоин 6%-арзандап, 29,6 мың долларға саудаланған еді. Ең танымал криптовалютаның құлдырауына әлемдік қор нарығындағы жаппай сатылым мен Қытай экономикасына қатысты жаңалықтар әсер етті. Қытайдың Халық банкі елдің ірі қаржы институттарына операцияларды криптовалюта арқылы жүзеге асыруға тыйым салған еді.
Табиғат Нұрболат
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
