Алматы облысына жыл басынан бері 30 миллиард теңге инвестиция тартылған. Инвесторлар көбіне ауыл шаруашылығына және тауар өндіретін кәсіпорындарға қаржы құюға қызығушылық танытыпты. Бұл туралы "Талғар-инвест" жерлестер форумында мәлім болды, деп хабарлайды almaty.tv.
Шарада инвесторлар 18 миллиард теңгені құрайтын 6 меморандумға қол қойды. Бұл қаражат облыста туризмді дамытуға және әлеуметтік нысандардың бой көтеруіне жұмсалмақ. Инвест-форумға кәсіпкерлер, болашақ инвесторлар, билік өкілдері қатысты.
"Бізде өскен өнімдердің экология жағынан сапасы өте жоғары. Біріншіден өзіміздің халыққа жеткізіп, екіншіден экспортқа шығаруға мүмкіншілік береді. Бұл мекемелердің, зауыттардың өнімдері", - дейді Алматы облысы кәсіпкерлік және индустриалды-инновациялық даму басқармасының басшысы Әлімжан Тохтанусов.
