2022 жылғы қаңтарда Қазақстаннан шетелге ақша аудару жүйесі арқылы 45,6 млрд теңге аударылды, деп хабарлайды inbusiness.kz порталы ranking.kz-ке сілтеме жасап.
2021 жылғы қаңтарда шетелге жіберілген қаражат көлемі 2020 жылғы қаңтармен салыстырғанда 37,1%-ға өскен еді.
Транзакциялар саны үштен бірге, 150 мыңнан 100,5 мыңға дейін қысқарды.
Биыл қаңтарда шетелге қаражаттың негізгі бөлігі доллармен аударылған. Барлық көлемнің 82,5%, өткен жылғы көрсеткіш 73,6%, ал 5 жыл бұрынғы көрсеткіш 61,4%.
Рубльмен аударым үлесі жылдан жылға азайып келеді. 2022 жылғы қаңтарда оның үлесі – 10,8%. Аударымдағы теңгенің үлесі бір жылда 11,9%-дан 5,7%-ға дейін, еуро үлесі – 1,2%-дан 1%-ға дейін азайды.
Қазақстаннан шетелге ақша аудару жүйесі арқылы жіберілген бір аударымның орташа чегі – 142,7 мыңнан 140,6 мың теңгеге дейін, рубльде – 59,8 мыңнан 50,9 мың рубльге дейін, еурода – 1218-ден 1 155 еуроға дейін қысқарған.
Доллардағы бір аударымның орташа чегі 1 165 доллардан 1 355 долларға дейін өсті.
Шетелге жіберілген барлық қаражат көлемінің жартысынан астамы 3 елге ғана тиесілі: Түркия (10,4 млрд теңге), Өзбекстан (9,3 млрд теңге) және Қырғызстан (8,3 млрд теңге).
Сондай-ақ ақшаның айтарлықтай бөлігі Ресейге де жіберілді. 7,2 млрд теңге, бұл ретте өткен жылғы қаңтармен салыстырғанда айтарлықтай аз (онда Ресей көшбасында болған).
