Көктемгі егін жұмыстары үшін шаруаларға дизель отыны жанар-жағармай станцияларынан 15% арзанырақ бағамен берілмек.
Мұндай қуанышты жаңалықты Энергетика министрі Ерлан Ақкенженов Үкімет отырысында айтты, деп хабарлайды inbusiness.kz сайты.
Жыл басында ғана Энергетика және Ауыл шаруашылығы министрліктері "2026 жылғы көктемгі дала жұмыстарына 402 мың тонна дизель отынын беру кестесін" бекіткен болатын.
– Шаруаларға арналған дизель отыны қозғалысының ашықтығы мен бақылауын қамтамасыз ету үшін жеке ПИН-кодтар алынды, дизель түсі сары, көк және қызылға боялды, электрондық шот-фактура жүйесіне дизель үшін бөлек виртуалды қойма құру шаралары қабылданды. Бұл шаралар мұнай жеткізушілердің дизель отынын операторларға мақсатты түрде нақты жеткізуді қамтамасыз етеді, – деді энергетика министрі.
Ерлан Ақкенженов аталған шаралар мұнай жеткізушілер тарапынан дизель отынын ауыл шаруашылығы тауарын өндіруші операторларына мақсатты түрде нақты жеткізуді қамтамасыз етуге мүмкіндік бергенін жеткізді.
– 800 мың тоннадан астам дизель отыны бөлінген жағдайда, 2023-2025 жылдары Ауыл шаруашылығы тауарын өндіруші тарапынан өңірлерге жөнелту үшін нақты іріктеу көлемі жоспардың шамамен 80% құрады.
2025 жылы қосымша түрде күзгі дала жұмыстарына астық және майлы дақылдарды кептіру үшін 60 мың тонна дизель отыны бөлінді. Осылайша, Ауыл шаруашылығы тауарын өндіруші үшін бөлінген дизель отынының жалпы көлемі 863 мың тонна болды, – деді министр.
Жөнелту көлемі ауыл шаруашылығы тауарларын өндірушілердің өтінімдеріне, төлем жүргізуіне және вагондарды ұсынуына байланысты болады.
