Биыл Түркістан облысында 600 шақырымға жуық жол пайдалануға беріледі

940

Нысанда орын алуы мүмкін қиындықтар алдын ала талқыланып, шешу мақсатында жұмыстар атқарылуда.

Биыл Түркістан облысында 600 шақырымға жуық жол пайдалануға беріледі

Биылғы жылы Түркістан облысында жалпы ұзындығы 968 шақырым жол мен 5
көпірдің құрылыс-жөндеу жұмыстарын жүргізу жоспарлануда.   2018
жылдан бері 21 нысанға жөндеу жұмыстары жүргізілген, 2019 жылы жаңадан
басталатын 30 нысанға тиісті қаржы қарастырылған. 
Түркістан қаласы облыс орталығы мәртебесін алғаннан бастап, аудан, қалаларды
облыс орталығына жалғайтын негізгі жолдардың жағдайына баса назар аударылуда.
Бұл ретте, облыстың оңтүстік бағытындағы Мақтаарал, Жетісай, Шардара, Арыс,
Ордабасы аудандарында 81,1 шақырымды құрайтын 4 жолға күрделі,         
ұзындығы 223,9 шақырымдық 6 жолға орташа жөндеу жұмыстары жүргізіле бастады.
Шығыс бағыттағы Төлеби, Сайрам, Түлкібас аудандарында 23 шақырымды құрайтын 3
жолды қайта құру, 64,5 шақырымдық 4 жолды күрделі, 56,2 шақырымдық 5 жолды
орташа жөндеу жұмыстары қарқынды жүруде.
Одан бөлек, Келес, Сарыағаш, Қазығұрт аудандары аумағынан өткен 67,1
шақырымдық 3 жолда күрделі, 124,5 шақырымдық 7 жолда орташа жөндеу жұмыстары
мерзімінен ерте басталып отыр.
Сондай-ақ, Түркістан қаласына жақын орналасқан Бәйдібек, Отырар, Созақ
аудандары мен Кентау қаласында    92,2 шақырымды құрайтын 4    жолға күрделі,
234,8 шақырымды құрайтын 6 жолға орташа жөндеу жұмыстары жүруде.   
Айта кетерлігі, 2019 жылдың қорытындысы бойынша  жалпы Түркістан облысы бойынша
584,4 шақырымды құрайтын 24 жол және 5 көпірді пайдалануға беру жоспарланған.
Облыстық жолаушылар көлігі және автомобиль жолдары басқармасына жүктелген
ауқымды жұмыс көлемін сапалы және мерзімінде орындау мақсатында
құрылыс-монтаждау жұмыстарға жауапты техникалық, авторлық қадағалаушы және
мердігер мекемелермен тұрақты жиналыстар өткізілуде. Нысанда орын алуы мүмкін
қиындықтар алдын ала талқыланып, шешу мақсатында жұмыстар атқарылуда. Әр
нысанға бекітілген жұмыс-өндірістік кестеге сәйкес құрылыс жұмыстары қатаң
бақылауға қойылып, нысандарды  аралау-тексеру іс-шарасы қолға алынған.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу
Telegram арнамызға жазылыңыз! Жаңалықтар туралы бірінші біліңіз
Жазылу