Қаладағы Ақмешіт мешіті аумағына жиналған адамдар шулап, кимелеп, әкімнің диалог құруына мүмкіндік бермеді. Осы арада имам келіп құран оқыды. Құранға ұйыған жұртшылық біршама тынышталғандай болды. Тек осыдан кейін ғана наразы тараптың шағымын тыңдау басталды.
Бұған дейін хабарланғандай, арыстықтар Шымкент пен Түркістан қаласынан баспана салып беруді талап етіп отыр. Олар Арыс қаласында жарылыстан соң радиация қаупі бар екендігін, сондай-ақ қоймадағы қалған қарудың әлі де жарылуы мүмкін екендігін айтады.
Өмірзақ Шөкеев бүгінде апат аймағы снарядтардан тазартылғанын, енді қауіп жоқ екеніне сендіруге тырысты. Оның айтуынша, қоймадағы қарудың 70 пайызы жарылып кеткен, ал қалған 30 пайызы қала аумағынан әкетіледі.
Өңір әкімі бұған дейін Ғабидулла Әбдірахымовтың Шымкенттен не үшін жер берілмейді деп айтқанын түсіндіріп бақты. Тұрғындардың баспанасына оралып, ары қарай алаңсыз өмір сүруі үшін қазір қауіп сейілген айтты.
