23 маусымда эталон сұрыпты мұнай бағасы көтерілді, деп хабарлайды Inbusiness.kz Reuters агенттігіне сілтеме жасап. Шикізаттың қымбаттауына ОПЕК+ мүшелерінің тамыз айынан бастап мұнай өндірісін біртіндеп арттыру жағын талқылай бастағаны туралы деректер әсер етті.
Brent сұрыпты мұнай бағасы 0,61%-ға өсіп, 75,27 доллар болды. WTI фьючерстері 0,51%-ға қымбаттап, қазір бір баррелі 73,22 долларға саудаланып жатыр.
Америкалық мұнай институты АҚШ-тағы мұнай қоры 7,2 миллион баррельге қысқарғанын хабарлады. API мәліметі бойынша, елдегі бензин қоры 959 мың баррельге, дистилляттар қоры 992 мың баррельге артқан. S&P Global Platts-қа сұхбат берген сарапшылар АҚШ Энергетика министрлігінің деректері өткен аптада мұнай қорының 6,3 млн баррельге төмендегенін көрсетеді деген пікірде.
Табиғат Нұрболат
