Нью-Йоркте фьючерстер жұма күні 1 пайызға көтерілді. Соңғы алты аптада АҚШ-тың мұнай қоры едәуір азайып отыр. Bloomberg-тің дерегі бойынша, мұндай көрсеткіш 2018 жылы тіркелген.
Сәрсенбіде Иран баллистикалық зымыранды сынақтан өткізген болатын. Ал Еуропаның бірқатар мемлекеті Ормуз бұғазы арқылы қауіпсіз өтуді қамтамасыз ету үшін әскери-теңіз базасын құруға тырысып жатыр. Мұндағы мақсат – Иранның Stena Impero танкерін қолға түсіргенінен кейін, Тегеранмен арадағы шиеленісті бәсеңдету.
Сарапшылардың айтуынша, АҚШ пен Қытай тараптары сауда келіссөздерін жүргізіп, бір мәмілеге келсе, мұнай нарығындағы ахуал едәуір жақсармақ.
Соңғы дерек бойынша, Лондондағы ICE Futures биржасында 2019 жылдың қыркүйегіндегі жеткізіліммен Brent сұрыпты мұнай бағасы 0,25 пайызға өсіп, баррелі 63,55 доллар болды. Ал тамыздағы жеткізіліммен электрондық сауда барысында WTI маркалы жеңіл мұнай фьючерстері 0,43 пайызға көтеріліп, барреліне 56,26 долларды құрады.
Табиғат Нұрболат