Алдағы үш тәулікте Қазақстандағы ауа райына екі жағдай әсер етеді, деп жазады inbusiness.kz сайты "Қазгидрометке" сілтеме жасап.
"Батыстан шығысқа қарай жылжитын циклон салдарынан ауа райы тұрақсыз болып, жауын-шашын (жаңбыр, қар), кей кезде қатты жауын-шашын жауады. Артынша солтүстік, шығыс, орталық өңірлер солтүстік антициклонның ықпалына өтіп, ауа температурасы төмендейді", – деді синоптиктер.
Ел бойынша тұман түсіп, жел күшейеді, солтүстік, шығыс, орталық аймақтарда көктайғақ болуы мүмкін.
16, 17 сәуірде солтүстікте түнгі ауа температурасы -1…-8 градусқа дейін, күндіз +1…+8 градусқа дейін төмендейді.
18 сәуірге қарай шығыста түнде -2…-18 градусқа дейін өзгерсе, күндіз 0…+13 градус болады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
