OpenAI компаниясы GPT-5 моделін шығаратын тұста, ChatGPT-ке психикалық немесе эмоциялық ауытқудың белгілерін жақсырақ тануға көмектесетін жаңартулар енгізетінін айтты, деп жазады inbusiness.kz сайты The Guardian басылымына сілтеме жасап.
Компания алдыңғы қолданыстағы модель эмоционалдық белгілерді дұрыс тани алмағанын мойындады.
– Біз жасанды интеллект бұрынғы технологиялармен салыстырғанда әлдеқайда жеке әрі жауапты болып көрінуі мүмкін екенін, әсіресе психикалық немесе эмоциялық күйзеліс жағдайындағы осал адамдар үшін, жақсы түсініп отырмыз, – деп мәлімдеді OpenAI өкілдері.
ChatGPT-ті ынталандыру мақсатында компания ұзақ сөйлесу кезінде үзіліс жасау туралы ескертулерді енгізіп отыр.
Мұндай жағдайда ChatGPT: "Сіз біраз уақыттан бері сөйлесіп отырсыз – үзіліс жасауға қолайлы сәт болар?" – деген хабарлама көрсететін болады.
Осылайша қолданушыға диалогты жалғастыру немесе аяқтау ұсынылады. OpenAI мұндай ескертулердің уақыты мен форматын болашақта да жетілдіре беретінін атап өтті.
