"Даму" қоры басым жобаларға қолжетімді кредит беру бағдарламасы бойынша Жамбыл облысындағы Мерке сыр зауытына алғашқы субсидияны берді, деп хабарлайды қордың баспасөз қызметі
Сыйақы мөлшерлемесі 14,95% құрады, оның 6,95%-н мемлекет субсидиялайды. Қарыз сомасы – 16 млн теңге, мерзімі – 7 жыл.
Бөлінген қаражатқа кәсіпкер өнімдерінің ассортиментін және шығарылатын өнім санын айтарлықтай көбейту үшін өзінің өндірістік желісін модернизациялауға жұмсауды жоспарлап отыр. Кәсіпорын басшысы Айтуленов Дастанның айтуынша, "Даму" қорының қолдауымен "Банк ЦентрКредит" АҚ-дан алынған қарыз сыр зауытының қуатын 10-12%-ға арттыруға мүмкіндік береді.
Жобаны аяқтау мерзімі 2019 жылдың сәуір айы деп белгіленген. Осы мерзімге дейін жабдықтарды монтаждауды аяқтап, іске қосу көзделген.
Айта кетсек, басым жобаларды кредиттеу механизмі жылдық 15%-ға дейінгі сыйақы мөлшерлемесімен кредит береді, сыйақы мөлшерлемесінің жылдық 7%-ына дейін "Даму" қоры субсидиялайды.
