БҰҰ Бас Ассамблеясында сөйлеген ол ұйымды "ескірген әрі тиімсіз" деп атап, бейбітшілікті орнату ісінде жеке өзі көбірек еңбек етіп жүргенін айтты.
– Мен жеті соғысты тоқтаттым, сол елдердің басшыларымен тікелей сөйлестім. Бірақ бірде-бір рет БҰҰ тарапынан көмек ұсынамыз деген қоңырау болған жоқ, – деді Трамп.
Сондай-ақ ол Газа секторындағы соғыстың да дереу тоқтауы қажет екенін атап өтті.
– Біз Газадағы соғысты бірден тоқтатуымыз керек. Келіссөздерді дереу бастауға тиіспіз. Бейбітшілік орнатуымыз қажет. Бопсалаушыларды қайтаруымыз керек, – деді АҚШ президенті.
Трамп БҰҰ-ны әлемдік қақтығыстарды реттеуде әрекетсіздік танытып отыр деп айыптады.
Сонымен қатар Трамп климаттың өзгеруімен күреске арналған БҰҰ бастамаларын да сынға алып, елдерді АҚШ-тан энергия сатып алуға шақырды. Оның айтуынша, Америка енді әлемнің көмірсутектен бас тартуы үшін өзін құрбан етпейді.
