Өкінішке қарай, балық аулауға шыққан екі азаматтың өмірі суде үзілді. Қайғылы жағдай Қаныш Сәтбаев атындағы каналда болды, деп хабарлайды inbusiness.kz тілшісі.
Белгілі болғандай, 70 және 73 жасар тұрғындар №9 сорғы станциясының аумағынан балық аулауға барып, мұз астына кеткен. Бұл туралы хабар "112" қызметіне 12 сәуір күні сағат 17.15-те түсті. Оқиға орнына Екібастұздағы құтқару бөлімінің төрт сүңгуірі жіберілді.
"Сағат 19.30-да жағалаудан 40 метрде болған бірінші балықшының денесі су астынан шығарылды. Сағат 19.52-де 70 метр қашықтықта екінші балықшының денесі табылды", - делінген төтенше жағдайлар департаментінің хабарламасында.
Суға батқан азаматтардың денелері полицияға тапсырылды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
