"Қарапайым заттар экономикасы" бағдарламасы аясында 400 млрд теңге өңдеу саласына, яғни шикізаттық емес секторға бағытталды. Жалпы құны 326 млрд теңгеден асатын жоба қабылданды", – деді Абылай Мырзахметов.
Басқарма төрағасының түсіндіруінше, ауыл шаруашылығы саласына несиенің 93% "ҚазАгро" тарапынан берілген. Екінші деңгейлі банктер әдеттегідей кепілзатты мәселе етіп, несие беруге құлықсыздық танытқан.
"Жалпы, бағдарламаға 7 рет өзгеріс енгізілді. Кепілзат мәселесі өзектілігін жойған жоқ. Мәселені шешу үшін "Даму" қоры ауыл шаруашылығы өнімін өндірушілердің 1 млрд теңгеге дейінгі несиесіне кепілдік беретін болды. Құны 1 млрд теңгеден асатын жобалар да назардан тыс қалмайды. Қор қарызға алынған қаражаттың 50% үшін жауапкершілік алады. Бұл бастама екінші деңгейлі банктердің ауыл шаруашылығы саласына несие беруін жандандырады деп ойлаймыз", – деді Абылай Мырзахметов.
Қанат Махамбет
