Бұл туралы Үкімет отырысында ҚР Ұлттық экономика министрі Әлібек Қуантыров мәлім етті, деп хабарлайды inbusiness.kz.
"7 экономикалық көрсеткіш бойынша өңірлер арасындағы жалпы жағдай мынадай: Барлық көрсеткіштер бойынша оң өсім 9 өңірде – Ақмола, Алматы, Батыс Қазақстан, Жетісу, Қостанай, Қызылорда, Павлодар, Шығыс Қазақстан облыстарында, сондай-ақ Шымкент қаласында байқалды", – деген министр орталық және жергілікті атқарушы органдарға келесі шараларға назар аудару ұсынылғанын жеткізді:
Отандық азық-түлік тауарларын өндірушілерге қолдау шараларын көрсету және олармен сату бағасын белгілеу туралы келіссөздер жүргізу;
Инвесторларға кешенді қолдау көрсете отырып, инвестиция ағынын ұлғайту бойынша тиімді шараларды іске асыру;
Көктемгі егіске тиісті дайындық жұмыстарын жүргізуге кешенді қолдау көрсету, өңдеу өнеркәсібінде жоспарланған өсу қарқынын қамтамасыз ету;
Экспорттау бағыттарының баламалы жолдарын қалыптастыру арқылы отандық өнімнің жаңа нарықтарға шығуына қолдау көрсету, шикізаттық емес экспортты жан-жақты қолдау;
Бизнес өкілдерін кешенді қолдау және олар үшін қолайлы жағдайларды қамтамасыз ету.
