ЭКСПО қарсаңында әкімдікпен көрме кезінде 65 мыңнан астам балғынды тасымалдау үшін мектеп автобустары сатып алынған еді. Қазіргі уақытта оларды оқушыларды тасымалдау үшін пайдалану жоспарлануда. Бұл туралы "Астана қаласы жолаушылар көлігі басқармасы" ММ басшысы Бекмырза Игенбердинов айтты, деп хабарлайды egemen.kz.
"Келесі кесте бойынша жұмыс атқарылатын болады: ата-аналар мектептермен келісім-шартқа отырады, олар өз кезегінде оператормен қызмет көрсету жөнінде келісім жасасады",- деді Бекмырза Игенбердинов.
Бұған дейін xабарланғандай, Астанада көше-жол желісіне жүктемені төмендету және қоғамдық көліктің әлеуетін арттыру бойынша жобалар әрі қарай жалғасын табады. Осылайша "BusLane" жобасы жалғасады. Жаңа автобус жолақтары алдағы уақытта Ш. Уәлиxанов және С. Сейфуллин көшелерінде пайда болады.
