ЭКСПО көрмесі ашылғалы бері ппвилиондарға келушілер саны 1 млн 57 мың адамнан асты. Тек өткен аптаның өзінде 205 561 адам көрмені аралаған. Бұл туралы "Астана ЭКСПО-2017" ұлттық компаниясының басқарушы директоры Бейбіт Қарымсақов мәлімдеді. Оның айтуынша бір қонақ бір күннің ішінде 5-6 павильонды көріп үлгереді екен. Осы уақытқа дейін көрмеге 26 мыңнан астам шетел азаматы келіп кеткен. Ол барлық қонақтардың 13 пайызын құрап отыр деді Қарымсақов. Көрмеге келген 10 мың адам - 6 жасқа дейінгі балалар болса, мүгедектер мен ардагерлердің саны 2 мыңнан асқан. Ал 14 мың адам ол - оқушылар, студенттер мен зейнеткерлер.
Айта кетейік бүгін соңғы болып Румыния өз павильонын ашты. Қыркүйек айына дейін тағы да 7 мемлекет басшысы келеді деп күтілуде. Қазіргі уақытқа дейін ең көп мейман қабылдаған ол "Нұр Әлем" павильоны. Сондай-ақ 9 күн ішінде 28 мың кәдесый 80 млн теңгеге сатылған. Дегенмен, көрме кезінде жалған билетпен кірмек болған 100 оқиға тіркеліпті. Билет Оңтүстік Қазақстан облысында жасалған.
