Эквадордың 76 жастағы тұрғынының жерлеу рәсімі кезінде әлі тірі екені анықталды, деп жазады inbusienss.kz.
Әйел тағы бір апта өмір сүрді, дәрігерлер оның өмірін сақтап қалуға барынша тырысты. Алғаш Белла Монтояның қайтыс болғанын 9 маусым күні Бабахойо қаласындағы аурухана хабарлады. Жерлеу рәсімін өткізу үшін ол үйіне жіберілді.
Жерлеу рәсімі басталғаннан кейін шамамен бес сағат өткен соң, әйелдің туыстары "табыттан біртүрлі дыбыстар ести бастады", - деді Барбера Associated Press агенттігіне.
Табыт ашылғаннан кейін отбасы мүшелері Монтояның ауыр демалып жатқанын көрді. "Біз бәріміз қорқып кеттік", - дейді Барбара.
Әйелдің тірі екендігі белгілі болған кезде, туыстары жедел жәрдем шақырып, оның қайтыс болғанын тіркеген ауруханаға қайта жеткізілді.
Осы оқиғаға дейін Монтойя инсультке күдікпен ауруханаға жатқызылды, "оның жүрек қағысы мен тынысы тоқтап, реанимациялық әрекеттерге жауап бермегендіктен, кезекші дәрігер оның қайтыс болғанын растаған болатын", - делінген Эквадор Денсаулық сақтау министрлігінің мәлімдемесінде.
Қайта емдеу кезінде оның жағдайы тұрақталды, бірақ өмірі ұзаққа созылмады. Монтойя жеті күн реанимацияда жатты, кейін Эквадордың Денсаулық сақтау министрлігі оның жұма күні ишемиялық инсульттан қайтыс болғанын хабарлады.
