Қазақстандық банктер жылды кредит қоржынын қысқартудан бастады. Қаңтар оқиғасы кезінде екінші деңгейлі банктердің жиынтық қарызының көлемі 0,8% немесе 154,5 млрд теңгеге, 20,05 трлн теңгеге дейін азайған, деп хабарлайды inbusiness.kz порталы finprom.kz-ке сілтеме жасап.
22 банктің ішінде тек 8 банк плюсте, ал үздік ондықта 3 банк қана бар.
Елдегі ең ірі банктердің арасында бір айда ең жақсы нәтижені Отбасы банк көрсетті (қаңтарда плюс 5,5%, 2,2 трлн теңгеге дейін). Тұрғын үй құрылыс жинақ жүйесі бойынша жұмыс істейтін қаржы институтына қаңтар оқиғасы қарыз көлемін 114,9 млрд теңгеге ұлғайтуға кедергі болмаған.
Сондай-ақ Отбасы банк жылдық өсім бойынша да үздік үштікке енген, 2021 жылғы қаңтармен салыстырғанда плюс 56,4%. Бұл ел экономикасындағы дағдарысқа қарамастан банктің несие өніміне сұраныстың жоғары екенін көрсетеді.
Биыл қаңтарда үздік ондыққа кіретін банктердің арасында Отбасы банктен басқа, ресейлік Сбербанк (бір айда 3,9% немесе 103,3 млрд теңге, 2,7 трлн теңгеге дейін) және Еуразиялық банк (бір айда 0,7% немесе 5,1 млрд теңгеге, 725,9 млрд теңгеге дейін) жоғары нәтиже көрсетті.
Жылдық динамикада да екі банк оң нәтиже көрсеткен (Сбербанк – 54,4%, Еуразиялық банк – 21,5%).
Жиынтық банктік қоржыны бір жылда, яғни 2021 жылғы қаңтармен салыстырғанда 28,4%-ға немесе 4,4 трлн теңгеге өскен.
